Australian Open khel tur Murray leh Serena

Andy Murray leh Serena Williams te chuan season thara Grand Slam hmasa ber tur Australian Open khelh an tum thu an sawi - tun season chhung chu an inkhel thei tawh dawn lo tihna a ni. Kuminah major tournament an khel kim tawh a, season khar nan ATP World Tour Finals an la hmabak thung.

Kum 30 mi Murray hi a khel bawr na vangin Wimbledon hnuah a la inkhel leh lo a, tun season-ah beisei anga a khelh ṭhat loh avangin Murray hi world ranking-ah pawh pakhatna aṭangin pathumnaah a tla hniam tawh a ni.

Season tir khan Serena Williams-i'n a Grand Slam 23-na ni turin Australian Open nomawi a chawi a, inelna a hmachhawn lai hian fa a pai! American star hian September thla khan fa a nei a, nakkum January thla tawp lama khelh tur tournament-ah hian tel a tum a ni.

Tournament director Craig Tiley chuan, "Melbourne-ah khawvel player langsar ṭha an kim kan beisei, tuna hliam nei mekte pawh an dam hman tura ngaih a ni," tiin a sawi.

Murray leh Serena te bakah Novak Djokovic leh Stan Wawrinka te tan season a tawp tawh a, anni pahnih pawh hi Australian Open-ah chuan khel thei tura beisei an ni.



Share this Post

Login to comment
No Comments