Australia-in India hneh

T20 international match hnihnaah Australia chuan wicket riat ngawtin India an sawp a, series match thum an khelh turah 1-1 in an inhnetawk mek - match thumna hi October 13 zanah khelh tur a ni leh dawn a, he inkhela chak zawk hian T20 series an la ang. 

Guwahati khawpuia inkhelah hian India an bat hmasa zawk a, over 20-ah run 118 siamin an vaiin an out vek. India tana run siam hnem ber Kedar Jadhav pawhin run 27 bak a tlin lo a, captain Virat Kohli chu run pawh siam loa vawm out a ni. 

Australia-in over 15.3-ah an target an umpha fel der a, wicket hnih chiah an hloh. Opener pahnih David Warner leh Aaron Finch ten run 10 chiah siamin out mah se Moises Henriques (62) leh Travis Head (42) te a tawp thleng dama an chet ṭhat avangin hnehna an chang.

Hetihlai hian Australia team hi an thlenna hotel pana an hawna lamah an chuanna bus chu lung hmanga beih a ni. Cricket Australia chuan an player leh staff zingah inhliam awm lo mah se hlauhthawnnain an rilru a la luah thu an sawi. 

Thla hmasa khan Bangladesh nen test series an khelhna Chittagong khawpuiah Australia team bus chu lung hmanga vawm a lo ni tawh bawk.



Share this Post

Login to comment
No Comments