Nagaland Tourist destination-a siamna tur project tlangzarh

Swadesh Darshan scheme hnuaia tourist destination-a Nagaland siamna tur sorkar laipui project chu nimin khan tlangzarh a ni.

Tourism Ministry chuan he project hi ‘Development of Tribal Circuit: Peren-Kohima-Wokha Project’tih a nih thu sawiin Nagaland Chief Minister Neiphiu Rio chuan nimin khan project hi a tlangzarh a ni. He hunah hian Union Minister of State for Tourism KJ Alphons pawh a tel niin an tarlang. 

Ministry thuchhuah chuan Ministry of Tourism hnuaia Swadesh Darshan Scheme project state chhunga kalpui hmasak ber a nih dawn thu an tarlang bawk.

Swadesh Darshan Scheme project atan hian November 2015 khan Tourism Ministry hian cheng vaibelchhe 97.36 a lo sanction tawh a ni. Project hnuaiah hian tribal tourist village, eco log hut, open air theatre, tribal rejuvenation centre, cafeteria, helipad, tourist interpretation centre, wayside amenity, last mile connectivity, public convenience, multipurpose hall, nature trail leh trekking route-te an lo siam tawh a ni.

Swadesh Darshan scheme hi kum 2014-a tlangzarh kha niin tun thleng hian ramchhung hmun hrang hrangah project 73 an sanction tawh a, cheng vaibelchhe 5,873.26 vel an seng tawh bawk.



Share this Post

Login to comment
No Comments