Plastic Free Itanagar Campaign ṭan

Arunachal Pradesh-a Capital Complex Deputy Commissioner Prince Dhawan chuan Thawhlehni khan ‘Plastic Free Itanagar’ campaign chu  Donyi Polo Mission School-ah a hawng.

‘Plastic Free Itanagar’ campaign  hi Magic Club Arunachal (MCA) leh capital complex district administration ṭangkawp ten MCA kum nga tlin hriatrengna puala an hmalakna a ni. Dhawan chuan plastic free campaign chu chak taka kalpui a ngaih thu a sawi.

An khawpui faina, ramngaw humhalh leh plastic tihbo chu an mawhphurhna a nih thu sawiin plastic chu nitin mamawh a nih chhoh tawh thu a sawi a, hawina apiangah plastic hmuh tur a awm tih sawiin tunah chuan plastic tel loa nun zir a ngai tawh tih a sawi a ni.

DC chuan MCA member-ten plastic nuaibona kawnga hma an la chu thil ṭha tak a nih thu sawiin, ṭhalaite chuan an thlawp ngei a ṭul niin a sawi bawk.

MCA volunteer-te chu capital complex-a school te tlawh turin leh awarness campaign te chu kalpui turin a chah a, an plastic zawrh titawp tu dawr-te chu an trading license pekchhuah leh an nih hunah 50% rebate an hmu dawn tih a sawi.



Share this Post

Login to comment
No Comments