AP Police-ten mipuite tan website tlangzarh

Arunachal Pradesh Home Department chuan kar kalte Ningani khan  Arunachal Pradesh Police (APP) hnuaiah mipui ten complaint an thehluh theihna tur, ‘public grievances redressal module’ website an tlangzarh a, hemi rual hian department Facebook leh Twitter page-te pawh tlangzarh a ni.

Website tlangzarh hunah hian Home Minister Kumar Waii chuan police department hmalakna chu fakin mipui te nena inbiakpawh theihna tur idea ṭha tak an nei chu lawmawm a tih thu a sawi.

Minister chuan mipui te chu digital media servicte ṭangkai taka hmang turin a chah nghal bawk.

Waii chuan police-te chu mipui te rin ngama khawsa tura hrilhin mi tlemte thil tih dik loh avangon police-te chuan rin an hlawh loh ṭhin thu a sawi a, APP chu ramchhunga RTI Application dawng hnem ber an nih thu sawiin thil pawi tak a nih thu a sawi bawk a ni.

DGP SBK Singh pawhin thu sawiin APP chuan website leh social media platform an siam chhan chu mipuite nena inbiak pawhna awlsam zawk an neih theihna tura ti an nih thu a sawi. Website hmang chuan mipui ten an lungawi lohna te awlsam zawkin an thlen thei tawh dawn a ni, a ti.



Share this Post

Login to comment
No Comments