Arun Jaitley-a'n Tripura-a BJP hmathlir tlangzarh

Union Finance Minister leh Bharatya Janata Party (BJP) hruaitu ni bawk Arun Jaitley chuan Pathianni khan Tripura-a BJP hmathlir document a tlangzarh.

Jaitley chuan hmarchhak state-a an party inzarpharh zel dan tur mumal takin an ngaihtuah thu leh hma an lak thu a sawi.

Arun Jaitley chuan Tripura leh hmarchhak state-ah Assembly inthlan hmasa khan thlawptu an neih ṭhat loh thu a sawi a, hemi a nih avang hian BJP chuan ruahmanna mumal tak nen state tinah hma an lak thu a sawi bawk.

Jaitley chuan Tripura-a hun rei tak ata tawh sorkarna siam mek Communist Party of India- Marxist (CPI-M) chu bei zui nghalin, state puitling an nih aṭanga thuneihna chang reng CPI-M chu mipui ten an ning tawh tih a sawi a, Left Front duh lo mi tam tak an awm mek niin a sawi.

BJP leh CPI-M hi February 18 inthlanah hian an intum tawk viau tura ngaih a ni a, Tripura eptu pawl lian ber ṭhin Congress pawhin hnehna chan ngei tumin hma nasa takin an la bawk. Tripura inthlan result hi March 3-ah hian puan a ni dawn a ni.



Share this Post

Login to comment
No Comments