Assam : Affordable Housing Policy hnuaiah in 83,000 sa dawn

Assam sorkar chuan Nilaini khan thuchhuah siamin mi harsa leh rethei zawk te chenna tur in 83,000 an sak dawn thu an tarlang. He an insak tur hi Affordable Housing Policy hnuaiah sak a ni dawn a ni.

Chief Minister Sarbanada Sonowal pawhin Ueban Development Department chu a rang thei ang bera hma la turin a ti bawk.

Sorkar thuchhuah chuan mi harsa leh retheite chenna tur in sak hna Affordable Housing Policy hnuaiah an kalpui dawn tih sawiin, dan awmsa tlema her danglam hretin khawtlanga mi harsa zawk ten ṭangkai zawka an hman theih turin in an sak sak dawn niin an sawi.

Assam State Housing Board project chungchanga meeting an neih naah he thutlukna hi Assam sorkar chuan an siam a ni.

Sarbanada Sonowal chuan mi harsa te chenna tur in 83,000 sa tura thutlukna an siam thu sawiin, Lower Income Group (LIG) leh Economically Weaker Section (EWS)-te tana buatsaih a nih dawn thu a sawi bawk.

Chief Minister chuan Assam State Housing Board-te pawh a rang lama survey nei turin leh hun khawhral lo turin a chah bawk a ni.



Share this Post

Login to comment
No Comments