Tripura-ah firfiak pawl hruaitu hlui man

Tripura police-te chuan Pathianni khan firfiak pawl, All Tripura Tiger force's hruaitu hlui Ranjit Debbarma chu an man.

Ranjit Debbarma hi Tripura khaw thlang lam, Sidhai-a a chenna-inah man a ni a, an man chhan hi sorkar laka hel tura mi dang fuihpawrha puhna leh Khowai district-a Teliamura police station-a case pending eng emaw zat kaihhnawiha a inhnamhnawih vang a nih thu, West Tripura district police chief Abhijit Saptarshi chuan a sawi. Khowai Superintendent of Police (SP) Krishnendu Chakraborty pawhin firfiak pawl hruiatu hlui an man thu hi a sawi a, court-ah hruai vat a nih tur thu a sawi bawk.

Chakraborty chuan Debbarma hian poilce pawh hraittir loin kar hmasa khan Teliamura-ah public meeting a koh thu a sawi a, hetah hian Tripura leh Indian Union chona thute a sawi ni a sawiin, mipuite zingah helna a tuh niin a sawi.

Ranhit Debbarma hi Bangladesh police te chuan kum 2012 khan pawikhawihna eng emaw zata inhnamhnawiha puh a nih vangin an man a, a kum leh January-ah Meghalaya-a Dawki border-ah India police kutah an hlan a ni. Hemi hnu hian Tripura police kutah hlan leh a ni a, Tripura court aṭangin 2015 khan bail a chhuah a ni. 

Debbarma hian 1993 aṭang tawh khan Tripura Unites Peoples' Council dinin, hel pawl a tel ṭhin mi eng emaw zat a huikhawm a, sorkar-ah an thilphutte tihhlawhtlin theih nan dan kalhin vawi tam tak an che tawh a, pawikhawihna tam takah inhnawmhnawiha puh a ni.   



Share this Post

Login to comment
No Comments