PUC zirlai ti ṭhate chawimawi

Pachhunga University College (PUC) chuan nimin khan an college auditorium-ah zirlai lut tharte lawmna leh zirlai ti ṭhate chawimawina an hmang. Principal Dr Tawnenga chuan, zirlaite chu pass chauh duh tâwk lo a, thiamna tak tak nei tura zir turin a chah a, "Central service-a tlin tum tak takte chu theihtawp chhuaha puih kan inhuam a ni," a ti.

PUC-ah hian first semester zirlai thar B.A-ah 502, B.Sc.-ah 389, B.Com-ah 64 leh Bachelor of Business Administration (BBA)-ah 34, an vaiin 989 an awm a; zirlai zawng zawng chu 2,410 an ni. Mizoram Univeristy-in kumina UG exam result a tihchhuahah top 10-a lang (rank holder) 125 leh subject topper 16 an nei.

PUC-ah hian kumin August thla aṭangin Mizo, Philosophy leh Life Science-ah master degree zirna an hawng dawn a ni.



Share this Post

Login to comment
No Comments