Mamit College B grade nih lawm

Mamit College chuan Ningani khan NAAC tehnaah 'B' grade an nih lawmna hun an college-ah an hmang a, Higher & Technical Education secretary Benjamina'n a hmanpui.

Benjamina chuan, vawi khat endiknaa B grade accreditation hmu nghal thei Mizoram college tlemte zinga Mamit College a tel chu thil lawmawm leh ropui a nih thu a sawi a, "HTE department tan pawha ni chhinchhiah tlak a ni. Zoram din chhuahna tura pawimawh hmasa ber chu zirna hi a ni," a ti.

Mamit College chu Rastrya Uchchatar Siksha Abhyan (RUSA) kaltlangin thuam zel a nih thu sawiin HTE Secretary chuan, "Hei hian a tum ber chu zirlaite'n quality education an neih a ni," a ti a; thawktute chu neitu rilru pu chunga rinawm tak leh grade sang zawk hmu zel thei tura phûrna leh chona nena thawk turin a chah.

Mamit College hi kum 1983-ah din a ni a, kum 2007-ah sorkara hlankai a ni. Tun dinhmunah department paruk a awm a, zirtirtu 25 leh thawktu dang pasarih an awm. September 2016 khan tehfung hrang hrang hmanga teh leh zirchian a nih hnuaah National Assessment & Acreditation Council (NAAC) chuan B grade accreditation a pe a ni.



Share this Post

Login to comment
No Comments