Aizawl North College-ah national seminar nei

Aizawl North Col­lege leh Geography Asso­ciation of Mizoram (GAM) ṭangkawp chuan, nimin khan Aizawl North College-ah ni hnih awh tur National Seminar on Regional Disparities and its Consequences an buatsaih a, Higher & Technical Edcuation minister R Romawia’n a hmanpui.

R Romawia chuan, ram leilung leh khaw chin inan loh vangin mihring nunphung leh ei leh bara hmasawnna rualkhai lo a awm ṭhin thu a sawi a, “Mizo­ramah pawhin hei vang hian harsatna kan tawng nual a, amah­erawhchu, heng harsatnate hi min dangtu ni loin, chonaah kan la ṭhin tur a ni,” a ti. 

Tun hma chuan Mizo­ramah inkalpawhna kawng a la ṭhat loh avang­in mipui ṭangrualin kawng an sial ṭhin tih sawi­in R Romawia chuan, “Hnam taima leh tlawm­ngai kan nihna hi hre reng chungin kan thawh ve theih chin chu tih kan tum tur a ni,” a ti a; thil engkim sorkar kuta dah tur a ni lo tih a sawi.

Seminar-ah hian thupui hrang hrangah mi eng emaw zatin paper 23 an present dawn a ni. Aizawl North College-ah hian zirlai 1,309, zirtirtu 28 leh non-teaching staff 12 an awm mek.


Share this Post

Login to comment
No Comments