HATIM-in Graduation Ceremony hmang

Lungleia Higher & Technical Institute, Mizoram (HATIM) chuan nimin khan Saikuti Hall-ah Graduation Ceremony vawi rukna an hmang a, Lunglei High Powered Committee vice chairman S Ladingliana'n hmanpuiin, zirlai ti ṭha zualte hnenah award a hlan.www.vanglaini.org

HATIM Graduation Ceremony hi principal Dr Chawngthanpari'n a kaihruai a; S Laldingliana chuan, kumin hi zirnaah Lunglei tan kum ṭha a ni tih sawiin, HSLC, HSSLC leh nursing-ah topper an nei tih a sawi a; HATIM chu kum riat chauh la ni mah se, Mizorama zirna-in hlawhtling ber pawl a ni thei tih sawiin, chhuanawm a tih thu a sawi.www.vanglaini.org

S Laldingliana chuan, chief minister leh Lunglei HPC chairman Lal Thanhawla duhsakna vangin Mizoram sorkarin Kawmzawla HATIM campus thar siam mekah tuizem siamna tur cheng nuai 15 a pe dawn tih a puang bawk.www.vanglaini.org

HATIM hi Baptist Church of Mizoram enkawl niin, June 21, 2007-a din a ni a, technical leh professional course zirna bik niin, Computer Science, Commerce, English, Social Work subject-te zir theih a ni.www.vanglaini.org


Share this Post

Login to comment
No Comments