India-ah Commonwealth Games 2022

Commonwealth Games 2022 chu July 27 aṭanga August 7 chhung hian Birmingham-ah neih a ni dawn, inelna pui tak tak neih hma January thlaah thal kah (archery) leh silai kah (shooting) chu India-in a thleng thung ang.

Birmingham lam hian an ruahman dan chuan thal kah leh silai kah hi Commonwealth Games 2022-ah telh loh an tum, hei vang hian India chuan inhnuhdawh a tum hman - inbiakna neih a ngaih phah hial.

India tel lo tur hi Common-wealth Games Federation (CGF) executive board-in a ngai ngam lo tih a hriat. Chandigarh-ah infiamna peng pahnih hi a hranpa a neih a ni dawn, a thlengtu leh sum leh pai senso chu a hran ni dawn mah se medal an lakte chu a pumpui inelnaah a tel vek dawn.

Birmingham 2022 chief executive Ian Reid chuan, "Commonwealth Championships hi khawvel hmun hrang hrangah nghah ni tawhin kalphung nghet pawh a nei. Inelna kan neih leh hun atan India-in an kalphung an vawng nung tur hi a lawmawm," a ti.