President's Cup Match hmasa berah Gorkha an chak

Cricket Association of Mizoram hnuaia inelna President's Cup 2021 chu nimin aṭang khan Suaka Cricket Ground, Sihhmuiah khelh ṭan a ni a, match hmasa berah champion lai Gorkha chuan run 111 zetin Sihhmui an hneh.

Season hmasa khan hripui leng vangin inelna hi neih theih a ni lo. Gorkha hi 2019-20 season champion kha an ni a, kum khat zet khelh a nih loh hnuah pawh an thiam an la theihnghilh chuang lo.

President's Cup hi CAM hnuaia club hrang hrang ten an khelh theih a ni a, match zawng zawng hi Suaka Cricket Ground, Sihhmuiah khelh a ni ang. Ruahman dan chuan November 22, Thawhṭanniah final khelh a ni ang.

Nimin Inkhel Result
A hmun: Suaka Cricket Ground, Sihhmui

Gorkha (189/7) bt Sihhmui (78/8)
Run 111-in Gorkha an chak
Toss: Sihhmui lamin vawm hmasak an thlang
POM: Rahul Sunar, Gorkha

Vawiin Inkhel Tur
Durtlang Blue 09:00 AM Gorkha Rising
Zarkawt Lords 12:30 PM Durtlang

November 3, Nilaini
Serchhip DCA 09:00 AM Ramhlun Venglai
Zotlang 12:30 AM Upper Republic