STAM-in polythene hmang lo turin ngen

Science Teachers’ Association, Mizoram (STAM) chuan thu­chhuah siamin, Aizawl Municipal Corporation (AMC)-in August 1, 2019 

aṭanga Aizawl khawpuia polythene pan chi a khap chu lawmawm an tih thu an tarlang a; polythene khap chu zâwm a, hmang lo turin mipui an ngen.

STAM chuan, "AMC-in Aizawl khawpui huam chhunga polythene leh plastic bag pan lutuk hman leh hman hnu paih a khap hi Mizote leh Mizoram tan thil ṭha a ni a, STAM chuan lawmawm a ti a, a hlawhtlin ngei theih nan mipuite pawh khapna thupek zâwm hrâm turin kan ngen a ni," an ti.

National Institute of Technology (NIT) chu India ram tana zirna in pawimawh bik (national importance) ni phâk a nih thu sawiin STAM chuan, "NIT, Mizoram kum 2010-a din a ni kha lawmawm kan tih hle a, mahse, a hmun tur Lengpuia infrastructure din kawngah erawh hna a muang hle," an ti a; Lengpuia NIT campus tur din meka in sak leh ṭul dangah chak zawka hma la turin thuneitute an ngen.

STAM chuan, National Eligibilty cum Entrance Test (NEET) exam turin Mizoram zirlaite state páwna kal kher ngai loa Mizorama exam centre tam zawk a awm theih nana hma­lakpui tura Lok Sabha MP C Lalrosanga an ngennaah, an ngenna ngai pawimawha MP-in Union HRD Minister hnenah a thlen chu lawmawm an tih thu an tarlang bawk.



Share this Post

Login to comment
No Comments