Chhîpphír-in Hnahthial dist.-a awm an duh lo

Hnahthial district-a awm tura tih Chhîpphír khua chuan an tan Hnahthial district-a awm a remchàn loh thu leh an duh loh thu sawiin, Serchhip district-a behtir turin Mizoram sorkar an ngen.

Thu dawn danin, Chhîpphír khuaah hian nimin khan khaw­tlang huapin Hnahthial district-a awm tura sorkarin a tih chungchangah inràwn khawmna hun hman a ni a; mipui kal khawm mi 114 zinga pangain Hnahthial district-a awm an duh a, mi 24-in Lunglei district-a awm zui zel an duh thung a; mi dang zawng, mi 85 chuan Serchhip district-a awm an duh.

Chhîpphír khawtlang mipui kal khawm chuan resolution an pass a; Serchhip district-a an awm theihna tura a tàwp thlenga hmalak an tum thu an tarlang a, an duhnate bawhzuia hma latu tur an inruat nghal.

V/C kaihhruaia tlawmngai pawl leh political party hrang hrang kalkhawmin Chhipphir Annex Committee on District (CACOD) an din tawh a; CACOD chuan district boundary thar piang tur chungchanga an duh danah sorkar hruaitute an lo dawr tawh a ni. 



Share this Post

Login to comment
No Comments