Darlawnin dist. an beisei zel

Darlawn District Demand Committee (DDDC) chuan thuchhuah siamin, district thar pathuma awm tur khuate Cabinet meeting-in a tihchian takah, hmar tlangdung khuate Saitual district-a telh an ni lo chu lawmawm an tih thu an tarlang. Darlawn district siam a nih ngei theih nan DDDC-in hma an lak zel tur thu an puang nghal.

DDDC chuan, Saitual district-ah awm an duh loh avangin an duh loh thu chu chief minister Zoramthanga, bialtu MLA Lalchhandama Ralte, Chalfilh bialtu MLA Lalrinliana Sailo, Chief Secretary leh GAD-ahte an thlen thu an tarlang a; an ngenna sorkarin tipuitling a, Saitual district-a dah an ni lo leh Aizawl district-a awmtir zel rih an nih chu an lawm thu an sawi a ni.

An duh ber chu hmar tlangdung tana district thar pek a nih thu sawiin DDDC chuan, district an neih theih nan hma an lak zel tur thu an tarlang a, “Kan sorkar hian thil thui tak ngaihtuah chunga fing taka hma a lakna kal zelah, kan mamawhzia hriain district thar min pek thuai a tum a ni tih kan ring tlat a ni,” an ti.

Darlawn district siam a nih theihna atana an hma an lak tawhnaah Hmar tlang­dung mipuite thlàwpna ṭha tak an hmuh avangin DDDC chuan lawmawm an tih thu an sawi a; hma an lakna kal zel turah DDDC ṭawi­awm zel turin mipui an sáwm nghal a ni.



Share this Post

Login to comment
No Comments