Mason Mount tan Blues contract thar

Chelsea midfielder Mason Mount chuan Stamford Bridge-ah kum nga dang cham chhunzawm turin contract thar a ziak a, kum 2024 thleng Blues tan a khel dawn tihna a ni. 

Kum 20 mi player ṭhangduang tak hian kum 2005 khan Chelsea hi kum ruk mi lek niin a zawm a, 2016 leh 2017 khan FA Youth Cup-ah a champion. 

England Under-21 international hian season hmasa khan Derby County-ah loan-in hun a hmang a, Chelsea boss ni ta Frank Lampard enkawlna hnuaiah Championship playoff final an khel hial. 

Mount chuan, "Kei leh ka chhungte tan chuan hun hlimawm tak a ni. Chelsea first team tana khelh hi ka duh ber a ni ṭhin a, beiseina sang tak nen season thar ka thlir a ni," a ti. 

Dutch club Vitesse lamah pawh loan-a lo khel tawh Mount hian season hmasa khan Derby tan match 44-ah goal 11 a khung a, Lampard enkawlna hnuaia hmun chan a beisei hi a mak lo. 



Share this Post

Login to comment
No Comments