Mamit District Sanitation Task Force -in faina lama hmalak dan tur sawiho

Mamit District Sanitation Task Force chu nimin khan an chairman Dr Lalrozama, district bawrhsap hoin DC conference hall-ah an 

ṭhukhawm a, faina lama hmalak dan tur an sawiho.

Dr Lalrozama chuan faina pawimawhzia sawiin, "Faina hi mawina ringawt ni loin, hriselna nena kal kawp tlat a ni. Natna tam tak hi kan in leh a vel fai tâwk loh vanga awm ṭhin a nih avangin, nasa leh zualin faina kawnga ṭan kan lak a pawimawh," a ti.

Meeting-ah hian puipunna (public place) hmunah bawlhhlawh bâwm a remchan dan anga dah te, Mamit Dumping Ground din­hmunte endik te, khawpui chhunga V/C zawng zawngte chu an huam chhung ṭheuh tihfai hnatlang a ruala neihte leh, bawlhhlawh ruh khawm paihna tur UDPA department-in ngaihtuah se, tihte an rél.

Mamit District Sanitation Task Force chuan, tlawmngai pawl hruai­tu te, kohhran hruaitute leh khawtlang hruaitute chu an kalna hmun leh an thusawina hmun 

apiang­ah faina chung­chang uar taka sawi turin an ngen a ni.



Share this Post

Login to comment
No Comments