Mizote'n ṭan kan lak a ngai nasa - Minister Lalruatkima

Minister of state Lal­ruatkima chuan, nimin khan a bial Aizawl West-II chhunga veng hrang hrang a fang a, Kanan YMA Committee Room-a khawtlang hruaitute nen an inkawmnaah, Mizote'n ṭan an lak thar nasat a ngaih thu a sawi.

Minister Lalruatkima chuan, technical entrance exam-ah Mizote el pha tura an ngaih loh ṭhin hnam dang hming a lang ta fo tih sawiin, "Kan chaw bél min zenpui pha ta tlat a ni. Hetia hlim taka kan rîk suau suau lai hian, a hnam angin mi an ṭang nasa hle tih kan hriat a ṭul a, Mizote'n ṭan kan lak thar a ngai nasa hle a ni," a ti.

Lalruatkima chuan, "Mizorama hna sang zawng zawng hi Mizoin chelh ila kan duh laiin, chutiang chu kan thei lo nasa hle. He hnam hian kawng kan bo mek nite hian ka hria a, 

ṭan kan lak nasat a ngai hle a ni," a ti a; Pathian malsawm tlakin hna kan thawkin kan nung em, tihte inen let fo a ṭul thu a sawi.

Minister Lalruatkima hian Kanan Veng thlanmual paltlanga Dinthar leh New Capital Complex panna kawng, cheng nuai 70 hmanga siam mek a tlawh nghal a ni.



Share this Post

Login to comment
No Comments