Mizoramah JE vei an la awm lo

Mizoram State Vector Born Diseases programme-a state programme officer Dr Lalhlimpuia chuan, Mizoramah Japanese Enciphalitis (JE) natna vei an la awm loh thu a sawi.

Health department-in nimina Anti Dengue Month hawnna inkhawm an neihah Dr Lalhlimpuia chuan, Mizoramah JE natna vei an la awm lo a, Mizoram ṭhenawm state-ah erawh vei an awm tawh thu a sawi a; chuvang chuan, inrálrin nan Mizoram sorkar pawhin inpuahchahna a kalpui tawh thu leh, JE vei an awm palha hmalak dan tur leh invenna kalpui dan turte an buaipui tawh tih a 

sawi a ni.

Dr Lalhlimpuia chuan, JE natna hrik chu mihring leh mihringah inkai darh theih a ni lo a, thosiin a pu darh a, a pu darhtu thosiin mihring a sehah a kaitir thei tih a sawi a; in bul hnaiah thosi pian theihna awmtir loh leh in bul hnaia ran vulh loh a 

ṭhat thu a sawi bawk.

Hetih lai hian, Health department hotute chuan, Mizoramah JE natna vei hmuh an la nih loh avangin sorkarin a venna damdawi (vaccine) sem lâwk a ngai loa a ngaih thu a sawi a; nikum lam aṭangin Health department-in sorkar laipuiah a thlawna sem turin vaccine an dil tawh a, mahse, sorkar laipui Mizoramah JE case a la awm loh avangin a la rawn pe lo tih an sawi a ni.



Share this Post

Login to comment
No Comments