Horti Fair 2019 buatsaih

Horticulture depart-ment chuan nimin khan City Park, Aizawlah Horti Fair 2019 an buatsaih a, Horticulture Development Board vice chairman Prof. F Lalnunmawia, MLA-in a hawng.

Fair hawn inkhawm hi Horticulture director Dr Elizabeth Saipari'n a kaihruai a; Prof. 

F Lalnunmawia chuan, "Horticulture hi intodelhna kawnga department pawimawh a nih avangin CM-in a la chat a hi. Horticulture hi business ṭha tak, eizawnna nei lote tan pawh eizawnna ṭha tak a ni," a ti a; kut hnathawktute tana Horticulture department-in inphochhuahna hun a siam ṭhin chu lawmawm a tih thu a sawi.

Inkhawmah hian Horticulture division hrang hranga lo neitu hlawhtling thlan chhuahte hnenah lawmman a hlan a ni. Horti Fair-ah hian dawr 81 siam a ni a; thei ṭiak, thlai leh house plant neite'n an thil neih an zuar a, Horticulture division tinte'n an thei leh thlai tharte man tláwm zawkin an zuar bawk.



Share this Post

Login to comment
No Comments