MIRPA-in din champha an lawm

Mizoram Rubber Plant­ers Association (MIRPA) chuan nimin khan Land Resource, Soil and Water Conservation (LRSWC) pisaah an din champha vawi khatna an lawm a, Assembly deputy speaker Lalrinawma'n a hmanpui.

Lalrinawma chuan, 

ṭhelrêt chu ram changkang zawkte pawhin chîn an chak, sik leh sáin a zir loh vanga an chìn theih loh a nih thu sawiin, chutih laia Mizo chhungkaw tam takin eizawnna atan an hmang ṭan chu lawmawm a tih thu a sawi a, "Khawvel hmasawnna ṭhang mekah lirthei leh thil dang dangah ṭhelrêt mamawh lohna a awm mang lo. Chuvangin, ṭhelret hi sumchang thlai, chîn sual awm thei lo tluk a ni," a ti.

Inkhawma tarlan danin, Mizoramah ṭhelrêt chíng chhungkaw 1,300 chuang an awm mek a, chu'ng zinga chhungkaw 300 chuang chuan kum­inah an ṭhelrette an hnái ṭan tawh a ni.



Share this Post

Login to comment
No Comments