Saitual khuain ropui taka I-Day 2019 lawm an rêl

Independence Day Celebration Committee, Saitual Sadar Sub-Division chu nimin khan Saitual Chhimveng Presbyterian Kohhran Hall-ah an ṭhukhawm a, kumin Independence Day chu a ropui thei ang bera lawm an rêl.

Meeting chuan, kum 2019 chu Saitual district a hlawhtlin kum leh District Commissioner hoa Independence Day an hman hmasak ber a nih dawn avangin, a ropui thei ang bera lawm an rêl a; a lawmna hmun atan Saitual Public Playground thlangin, khuallian atan bialtu MLA R Lalzirliana sawm ni se, an ti.

Committee chuan, Saitual town area chhunga middle school chin chung lam leh primary school a thei apiangte parade contingent-a tel turin an beisei a ni.



Share this Post

Login to comment
No Comments