Central team-in K Beichhua an kâwm

Sorkar laipuiin India rama tui humhalh dan leh tui lama India ram dinhmun zir chiang tura a ruatte chuan nimin khan minister of state Dr K Beichhua a pisaah 

an kâwm.

Saiha bialtu MLA Dr K Beichhua chuan, Central team-te chu Siaha district dinhmun a hrilhfiah a; an district dinhmun chu ṭha taka zir chiansak tur leh an thil hmuhchhuahte amah nen sawiho leh turin a ngen.

Dr Beichhua chuan, Mizoram leh a bik takin Siaha district-ah mihring an tlem a, ruah tui an dawng 

ṭha tih sawiin, "Tui harsatna hi sutkian har a ni lo," a ti a; tui sawngbawlna lam, infrastructure neih ṭhat loh vanga tui harsatna an neihte a sawi.

Central team-te chuan, sorkar leh pawl hrang hrangte'n India ram district 257-a tui humhalh tura hmalakna an lo neih tawhte zir chiang tura kal an nih thu sawiin, "Hun lo kal zel turah eng tianga hmalak tur nge tih chu zir chhuah kan tum ber a ni," an ti.

Central Team hi Depart-ment of Drinking Water & Sanitation-a deputy secretary Manik Chandra Pandit leh technical officer Dr Sanjay Kumar-te an ni.

Department of Drinking Water & Sanitation chuan tui dinhmun zirchianna campaign, Jal Shakti Abhiyan beihpui a thlak mek a, zirchianna neihna atan India ramah district 257 a thlang a, chu'ng zingah chuan Siaha district a tel a ni.



Share this Post

Login to comment
No Comments