Chite lui humhalh dan tur sawiho

Save Chite Lui Executive Committee chu nimin khan an chairman Lalnunmawia Chuaungo, chief secretary hoin CS conference hall-ah an ṭhukhawm a, Chite lui humhalh zel dan tur an sawiho.

Meeting-ah hian, Chite lui humhalhna tur dan 'The Chite Lui (Prevention and Control of Water Pollution) Rules, 2019' buatsaih mek chu tihpuitlin thuai a nih theih nan chak zawka hmalak dan tur te, Chite lui chhawr ṭangkaitu Aizawl khawpuia veng hrang hrang 47 aiawh local council, MUP, MHIP, YMA, etc. te nen lui humhalhna kawnga thawkho tura inkawm chungchang te, Save Chite Lui project atana NEDP-a cheng nuai 22.90 awm sa ṭangkai taka hman dan turte leh, Chief Minister kaihhruaina hnuai­a Chite lui humhalh tura beihpui thlak chung­changte an sawiho a ni.



Share this Post

Login to comment
No Comments