Sorkarah MNF party an lawm

MNF chuan June 11, Thawhṭanni khan Vanapa Hall-ah National Council Meeting an nei a, party president Zoramthanga'n a kaihruai. Resolution an pass a, "Sorkar hmasain hun rei tak zirna a ngaihthah vanga zirtirtu indaih lohna nasa tak phuhru tura sorkarin zirtirtu 946 a lak belh tur hi lawmawm kan ti," tiin an tarlang.

MNF resolution ṭhenkhatte

•Chief minister Pu Zoramthanga leh a kaihhruai sorkara minister te, MLA-te leh board chairman-te hi an hmalak tawhna enin an rintlakin an chhuanawm kan ti a, Mizoram kaihruai zel tur hian kan ring tâwk a ni.

•LADC leh CADC-a MDC by-election-a MNF-in chakna a chang chu lawmawm kan ti. LADC leh CADC-a mipuite’n Pu Zoramthanga kaihhruai sorkar an rin tâwkzia tilanga MNF candidate an thlang tling hi lawmawm kan ti.

•Sorkar hmasain hun rei tak zirna a ngaihthah avanga zirtirtu indaih lohna nasa tak phuhru tura sorkar-in zirtirtu 946 a lakbelh tur hi lawmawm kan ti a. Hemi chungchanga sorkar hmalakna hi a ṭha tawk kan ti a, zirna ngaihsaktu dik tak sorkar Zoram mipuiin kan nei ta hi a lawmawm kan ti hle.

•Sorkar hmasain sum harsat luat vanga a tihtawp chini sem a ni leh dawn ta hi lawmawm kan ti a. Sem mai theih tura phurh thlen a ni ta hi lawmawm kan ti a, miretheite dinhmun hrethiam sorkar kan nei hi kan lawm hle a ni.



Share this Post

Login to comment
No Comments