Aizawl a lum lai berin 34.1C

Kum 10 kal ta chhung khan Aizawl khawpuiah khaw lum lai berin Celcius degree 34.1 a ni a, a vawh ber laiin Celcius degree 3.7 a ni thung.

Tun hnaia Economics & Sta­tistics department-in Mizoram Meteorological Data 2018 a tih­chhuaha tarlan a nih dan in, kum 10 chhunga khaw lum ber thla chu April 2015 a ni a, khaw vawh ber thla chu January 2016 a ni. Chawhrualin, kum 2015 kha kum 10 chhunga khaw lum ber kum a ni a, kum 2018 kha khaw vawh ber kum a ni thung. 

Hetih lai hian, kum kal ta 2018 chhung khan May thla leh October thlate chu khaw lum ber thla a ni a, Celcius degree 33.5 a tling. January thla chu khaw vawh ber thla a ni thung a, a vawh lai berin Celcius degree 4.4-ah a tla thla a ni.



Share this Post

Login to comment
No Comments