Dawrpuiah HIV/AIDS do dan tur sawiho

Mizoram State AIDS Control Society (MSACS) leh FHI-360 te chuan, Inrinni khan Zarkawt Presbyterian Kohhran Hall-ah Dawrpui pastor biala committee pêng hrang hrang hruaitute tan HIV/AIDS chungchang zirhona an buatsaih.

MSACS project director Dr Lalmalsawmi Sailo chuan thu sawiin, Dawrpui pastor bial hruaitute nena hun an hmangho thei chu lawm­awm a tih thu sawiin, "HIV/AIDS do kawngah Dawrpui Bial hian danglamna an thlen thei ngeiah ka ring a ni," a ti. 

Mizorama HIV/AIDS donaa hmalakna hrang hrang te, a bikin ruihhlo khawih ṭhin zinga hmalakna chungchangte zirho a ni. HIV/AIDS do kawngah hma latute’n ngawrh takin hna thawk mah se, Mizoramah a hluar zel a, India ramah a tamna ber dawttu a ni a, a tamna ber ni thei mai dinhmunah Mizoram a ding mek thu te, a invenna lama hmalak kawngah kohhrante nasa zawka an chêt chhuah a ṭul thute an sawi. 

Zirhonaah hian Dawr­pui pastor bial chhunga kohhran pathuma Koh­hran Committee, Hmei­chhe Committe, KTP Committee leh Pavalai lam aiawhte an tel a ni. 



Share this Post

Login to comment
No Comments