NIT-Mizoram ah Digital India hmang

National Institute of Technology (NIT), Mizoram chuan nimin khan anmahni hmunah Digital India an hmang a, NIT director Prof. UC Ray-a'n a hawng.

Prof. UC Ray chuan, India ram inrêlbâwlna a changtlun a, langtlang leh eirukna laka a fihlim theih a awm theih nan computer leh internet-te hman ṭangkai theih a nih thu a sawi a, "Digital India hmang hian department hrang hrang leh mipuite inzawmna siam a tum a ni," a ti.

Nodal officer Dr Partha Pakray chuan, sorkar laipuiin Digital India hnuaia hna thawhna turin cheng vbc. 1,13,000 ruahman a nih thu a sawi a, "Kum 2019 thlengin project hrang hrangte tinzâwn turin a ruahman a ni," a ti.Digital India hmannaah hian NIT-Mizorama thawkte leh zirlaite an tel a; chawhnu lamah intihsiakna buatsaih a ni.


Share this Post

Login to comment
No Comments