Mi 18-in ration card an thehlut tawh

Food Civil Supplies & Consumers Affairs (FCSCA) hotute chu nimin khan an minister John Rotluangliana hoin a pisaah an ṭhukhawm a; mi 18-in an ration card sorkara an pek luh tawh thu an sawi.www.vanglaini.org

John Rotluangliana chuan, khawsa thei deuh chhungkuate’n mi harsa zawkte tana malsawmna an nih theihna remchang a nih hria a, ration card sorkara thehlut turin an ngen tih a sawi.

Meeting-ah hian ration card surrender duh chhungkaw eng emaw zat an awm thu tarlan a ni a, ration card thehlut duhte'n DCSO office pan kher ngai loa awlsam zawka an thehluh theih dan ngaihtuah ṭul an tih thu an sawi. Sorkar hnathawkte'n head of department-ah leh sorkar lote'n local council/village council-ah ration card an thehluh theihna atan ngenna siam tum a ni.www.vanglaini.org

Meeting-a tarlan danin, ration card hi Aizawl West DCSO-ah mi 11, Aizawl East DCSO-ah mi pathum leh Kolasib DCSO-ah mi paliin an thehlut tawh a; Aizawla thehlutte chu minister pakhat, parliamentary secretary pakhat, sorkar hnathawk pakua leh sorkar hnathawk lo pathum an ni.


Share this Post

Login to comment
No Comments