Gas man bihtliah thar a ni

Indian Oil Corpo-ration-in eirawng-bawlna gas (LPG) man a tihchhuah thar zuiin Food, Civil Supplies & Consumer Affairs (FCSCA) department chuan Mizorama gas man a bithliah a, August 1, 2026 khan hman ṭan a ni.

FCSCA tarlan danin, chhungkuaa eirawngbawlna atana hman tlánglâwn domestic cylinder (kg 14.2) leh comnposite (kg 10) man chu July 2026 nen a inang a; commercial cylinder (kg. 19) leh XtraTej (kg 19) man a tlahniam thung.

Vairengte tih loh Mizoram hmun dang zawngah domestic cylinder man Rs 1,094 (July-ah Rs 1,094) a ni a; commercial cylinder man Rs 3,217.50 (July-ah Rs 3,425.50), XtraTej man Rs 3,239.50 (July-ah Rs 3,448) leh composite man Rs 787 (July-ah 787) a ni.

Vairengteah chuan domestic cylinder Rs 1,085 (July-ah 1,085), commercial cylinder man Rs 3202.50 (July-ah Rs 3,411), XtraTeJ man Rs 3,225 (July-ah Rs 3,433.50) leh composite man Rs 777 (July-ah Rs 777) a ni thung.

Gas man hi home delivery kalpuinaah chuan a man pangngai aṭangin Rs 70 belh zel tur niin, point delivery-ah Rs 7.53 belh tur a ni a; distributor kudama hralh a nih chuan Rs 33.43 paih tur a ni.

Domestic gas cylinder man hi West Asia buaina vanga March 7, 2026-a sorkar laipuiin Rs 1,005 (Vairengteah Rs 996) aṭanga Rs 1,065 (Vairengteah Rs 1,056)-a a tihsan hnuah a la tlahniam leh lo.