Minister hoin sikul pahnih endik a ni

Aizawl DC thuchhuak angin nimin khan sorkara thuneitute'n Central Higher Secondary School leh Upper Republic SSA Model School building an endik a, bialtu MLA C Lalsawivunga, minister-in a ṭawiawm.

Sikul pahnih building-te hi a him tawh loa hriat a ni a; hei vang hian Aizawl DC-in a ruahman angin nimin khan DMR department, PWD, Geology & Mining, Aizawl District Education Officer, SDEO South leh sikul awmna venga local council-te chuan an endik a ni. Central HSS-ah hian zirlai 333 leh Upper Republic SSA Model School-ah zirlai 184 an awm mek.

C Lalsawivunga chuan, sorkarin zirna a ngaih pawimawh thu sawiin, "Zirna in a pawimawh a, zirlai tana him lo, luah loh theih si loh siamṭhat a nih theih nan fund awm ang angte kan dap khawm mek. School Education Minister leh Disaster Management & Rehabilitation Minister te nen kan sawiho zui nghal dawn a ni," a ti.