Damlo refer-ah kan strict dawn - Chief Minister

Chief minister Lalduhoma chuan, Mizoram Universal Healthcare Cheme (MUHCS) hnuaia mimal damdawi-ina damlo thawn (refer)-ah sorkar a fìr (strict) tawh dawn thu nimin khan Assembly session-ah a sawi.

CM Lalduhoma chuan, eptu lamin healthcare system chu private hospital-te'n zawm se a ziaawm ang tia an sawi thu a sawi a, "Private hospital-a refer theih chin a awm a, refer pawh an refer hnem. Anni rate a sang si a, damloin cheng nuai 5 an ei ral chak si a, private hospital-te an hlawk ta tho. MUHCS an zawm loh chhanah kan ngai deuh," a ti.

Chief Minister chuan, mimal damdawi-ina damlo thawn chung­changah a nihna ang taka kal turin sorkar a fîr tawh dawn thu a sawi a, private hospital-te chu MUHCS zawm tura an la sàwm reng thu House a hrilh bawk.