SIC atan Dr Lalzirmawia la lut

Larsap Gen. Dr Vijay Kumar Singh chuan nimin khan Raj Bhavan-ah Mizoram State Information Commission-a state information commissioner (SIC) atan Dr Lalzirmawia Chhangte, IAS (Rtd) chu rinawmna thu tiamtirin a la lut.

SIC lak luh inkhawmah hian chief minister Lalduhoma, Assembly speaker Lalbiakzama, minister Lalthansanga leh PC Vanlalruata, minister of state B Lalchhanzova leh mi pawimawh dang eng emaw zat an tel.

Dr Lalzirmawia Chhangte hi Hnahthial district-a Tarpho khaw chhuak a ni a; thiamna lamah BA (Education) (NEHU 1986), LL.B (NEHU, 1993), MA (Public Administration) (HPU Shimla 2001), BCS (Serampore College, 2007), D.Min (Serampore College 2018) leh Ph.D (Public Administration) (MZU 2023) a ni.

May 30, 1991 khan MCS a zawm a, December 3, 2019 khan IAS-ah kaiin, 2009 batch AGMUT cadre pek a ni. Mizoram sorkarah hna pawimawh chi hrang hrang chelhin, hun eng emaw chen secretary a ni a; commi­ssioner-a a kaisan hnuah August 31, 2025 khan super­an­nuation pen­sion-in a chhuak a ni.