World Pneumonia Day hmang

November 12, Thawhlehni khan State Referral Hospital-a Paediatric OPD-ah World Pneumonia Day hman a ni a, SAANS (Social Awareness and Action to Neutralise Pneumonia Successfully) Campaign hawn nghal a ni.

SAANS Campaign hi November 12, 2024 aṭanga February 28, 2025 thlenga kalpui tur a ni.

Thusawitu Dr Lily Chhakchhuak, Health Services joint director leh RCH state programme officer chuan, pneumonia chu India rama naupang thihna thlentu tam ber a nih thu a sawi a; naupang kum 5 hnuai lam thihna 17.5% chu pneumonia vang a nih thu leh Mizoramah chuan 19% a nih thu a sawi.

Dr Lily Chhakchhuak chuan, SAANS-in a tum ber chu kum 2025-a pneumonia vanga naupang thihna rate 3 (nau piang 1,000 zelah 3)-a tihhniam a nih thu a sawi. ZMC/SRF Paediatrics department HoD Dr F Elizabeth Lalhmangaihzuali'n pneumonia laka inven theih dante a sawi bawk.