YMA CCC ṭhutkhawm neih a ni

YMA Central Coor-dination Committee ṭhut-khawm vawi 101-na chu nimin khan Central YMA Hall-ah neih a ni a, ruihhlo donaah tun aia chak zawka hmalak rêlin, Central Executive Committee bawhzui turin an dah.

YMA CCC ṭhutkhawm hi CYMA president Lalhmachhuana'n a kaihruai a, general secretary Prof. Malsawm-liana'n report a pek bakah inhmelhriattirna hun a hmang a, palai 225 an tel.

CCC ṭhutkhawmah hian, 'Ruihhlo do kawngah YMA-in tun aia chak zawkin hma la rawh se' tih chu YMA CEC bawhzui tura dah a ni. Kum tina fûrpui a thlen dawnin fûrpuiin a ken tel chhiatna hrang hrang laka lo inven lawkna turin ‘Fimkhurna Hapta/Thla’ ram pumah hman ṭhin ni rawh se tih leh, Mizoram chhunga kawngpui kan neihte hi a vil kawngah YMA-in hma la rawh se tihte pawh CEC bawhzui tura dah a ni.