COVID-19: Mizoram dinhmun Hripui vei mi 28 hmuh belh a ni

November 19, Ninga­ni khan Mizoramah Covid-19 vei mi 28 hmuh chhuah a ni a, an zinga mi 17 chu, Mizoram chhunga kái chhâwng an ni. Nimin khan hripui laka fihlim tawh mi 40 chhuahtir an ni thung.

Covid-19 vei hmuh tharte chu mipa 23 leh hmeichhia panga an ni a; ZMC laboratory-a hmuh mi 12, TrueNAT-PCR hmanga Lawngtlai leh Mamita hmuh pathum leh Rapid Antigen Test (RAT) hmanga hmuh mi 13 an ni.

Nimin khan Covid-19 laka fihlîm tawh mi 40 chhuahtir an ni a; SRH-ZMC aṭangin pahnih, CCC pali - ITI aṭangin 17, Durtlang BSUP aṭangin panga, Beraw aṭangin panga leh Lawngtlai aṭangin 11 an chhuak.

Mizoramah Covid-19 positive mi 3,541 hmuh chhuah a ni tawh a, mipa 2,635 leh hmeichhia 906 an ni. Nimin tlai dar 5 thleng khan mi 3,065 (86.56%) chhuahtir an ni tawh a, mi panga (0.14%) thi tawhin, enkawl mek mi 471 (13.30%) an awm.

Mizorama hripui vei hmuh tawhte zinga mi 1,626 chu Mizoram chhunga kái an ni a, mi 1,915 chu state páwn aṭanga rawn lut an ni.

November 19, Ningani khan Mizoramah swab sample 2,007 endik a ni a, chu'ng aṭang chuan Covid-19 vei mi 28 an hmu chhuak. Swab sample endik dan chu - ZMC laboratory-ah mi 695, TrueNAT-PCR hmangin district pangaah mi 79 leh RAT hmangin district 10-ah mi 1,233 an ni.

Hripui vei hmuh chhuah thar mi 28 zinga 17 chu Mizoram chhunga kái an ni a, mi 11 chu state pawn aṭanga tun hnaia rawn haw an ni. Tualchhunga kái mi 17 zingah kài ṭanna hriat loh mi pali an awm a, natna (symptom) lang chhuak mi panga an awm bawk.

Sorkar thuchhuah tarlan danin, ZMC laboratory-a RT-PCR hmanga hmuh chhuah mi 12-te chu mipa pakua leh hmeichhia pathum an ni a, kum 9-56 inkar an ni. An zinga pariat chu Mizoram chhunga kai chhâwng an ni a, pali dang chu state pawn aṭanga rawn lut an ni thung.

TrueNAT-PCR hmangin mipa pathum hmuh chhuah an ni a, khung hranna hmuna awm lai vek niin, symptom nei an awm lo. An zinga pahnih chu Mizoram police, tun hnaia Bihar Assembly inthlana duty zo rawn haw an ni.

RAT hmanga hmuh chhuah mi 13-te chu Aizawl district-a hmuh mi pahnih, Champhai district-a hmuh chhuah mi paruk, Lawngtlai district-a hmuh mi pahnih leh Khawzawl district-a hmuh chhuah mi pathum an ni. An zinga pakua chu tualchhunga kai an ni a, mi dang pali chu state páwn aṭanga rawn haw tharte niin, an zinga pathum chu 2nd battalion MAP an ni.

ZMC-a hmuh chhuah:

Bawngkawn - 1: Mipa kum 33, symptom nei, kaina hriat loh.

Bung Bangla - 2: Mipa kum 9 & 56, kaina hriat, symptom nei lo.

Chhinga Veng - 5: Mipa kum 13 & 42 (pahnih), hmeichhia kum 26 & 28. Colony khata chêng vek, kai ṭanna hriat, symptom nei lo vek.

Chanmari - 1: Mipa kum 20, Maharashtra aṭanga haw, khung hran lai, symptom nei lo.

Zarkawt - 1: Mipa kum 20,  Maharashtra aṭanga haw, khung hran lai, symptom nei lo.

Zotlang - 1: Hmeichhia kum 29,  Delhi aṭanga haw, khung hran lai, symptom nei lo.

90 Bn BSF - 1: Mipa kum 31, Assam aṭanga rawn lut, quarantine centre-a awm, symptom nei lo.

TrueNAT-PCR-a hmuh:

Mamit Luangpawl - 2: Mipa kum 36 & 43, 4th IR police, Bihar inthlana duty zo rawn haw, khung hranna hmuna awm mek.

Lawngtlai - 1: Mipa kum 56, Uttar Pra­desh mi, November 12, 2020-a Lawng­tlaia thleng, Tourist Lodge-a khung ­hran mek, symptom nei lo.

RAT hmanga hmuh:

Zemabawk - 1: Mipa kum 28, CRPF Bihar inthlana duty zo rawn let, symptom nei.

Tuipuibari - 1: Mipa kum 59, Aizawla private hospital-a inentir tura a kalnaa RAT hmanga hmuh chhuah, hri kaina hriat loh, symptom nei.

Champhai Bethel Veng - 5: Mipa kum 23, 27 & 37, hmeichhia kum 19 & 40. Kaina hriat vek, kum 37 & 40 mite'n symptom an nei.

Champhai Vengthar - 1: Mipa kum 27, kai ṭanna hriat, symptom nei lo.

Lawngtlai Vengpui II - 1: Mipa kum 21, tun hnaia Lunglei aṭanga haw, symptom nei lo, kaina hriat loh.

Paithar - 1: Mipa kum 22, Aizawl aṭanga zin haw, symptom nei lo, hri kaina hriat loh.

Khawzawl - 3: Mipa kum 26, 45 & 54, 2nd Bn MAP mi vek, Bihar inthlana duty zo rawn haw, symptom nei lo vek.



Share this Post

Login to comment
No Comments