Health & Family Welfare (HFW) department Secretary chuan nimin khan notification tichhuakin, Village/Local Task Force on Covid-19 chairman, secretary leh member turte tihdanglam a nih thu a tarlang.
HFW Secretary H Lalengmawia chuan, Mizoramah village council leh local council inthlan puan a nih tawh avangin Model Code of Conduct puan a ni tawh a, chuvang chuan village/local task force-a tel turte tihdanglam a nih thu a tarlang a ni.
Village/local task force member turte tihdanglamah hian VC leh LC member-te leh political leader-te telh a ni tawh lo. A hma chuan khua/veng tinah task force chairman atan VC/LC president/chairman leh secretary atan VC/LC secretary hman an ni a, member-ah pawh VC/LC member-te an tel a ni.
Task force kalphung (Term of Reference) erawh chu a ngai hman zel tur a ni thung.
Village/Local Task Force member-te
Vice Chairman-President, MUP/LUP
Member Secretary-Secretary, YMA/YLA/MTP/YCA
Member-te-1. YMA/YLA/MTP/YCA office bearer aṭangin aiawh pahnih zel
2. President, MHIP/MChP/LWA/Chakma Mahila
3. Kohhran, veng chhunga biak-in nei chin aṭangin aiawh pakhat ṭheuh
4. Medical mi (doctor/nurse/health worker/ASHA)