Unlock 2.0 atana kaihhruaina tlangpui

August 1-31, 2020 chhunga Unlock 2.0 kalpui tura inkaihhruaina tlangpui chu a hnuaia mite hi a ni a; a pawimawh zual nia hriatte tarlan niin, inkaihhruaina zawng zawng tihlan a ni lo.

A.Ramri chungchang

#Ramrite khâr chhunzawm a ni ang.

#Lengpui Airport hawn chhunzawm a ni ang.

#Bairabi, Vairengte leh Kanhmun kaltlang kawngpuite chu bung­raw phur lirthei tan hawn a ni ang.

B.Mizorama lo lut tur leh quarantine

#Mizoram pawn aṭanga lo lut reng reng quarantine tur. Mizoram an luh hmain mCOVID-19 mobile application-a mPASS-flight emaw mPASS-entry of persons hmangin an inziak lut hmasa tur a ni.

#Mizorama lutte entry point-ah uluk taka enfiah (screen) zel tur.

#Quarantine dan tur chu Health department-in kaihhruaina a siam anga kalpui a ni ang. Quarantine senso, ei leh in leh test mante chu 24.07.2020-a tarlan tawh angin kalpui a ni ang.

#Driver leh handyman te, Mizoram páwn aṭanga bungrua laa zinte chungchang chu a hmaa kalpui dan anga a ni ang.

C.Office hrang hrang

#Office zawng zawng dan pangngaiin an kal thei a, SOP for Social Distancing khauh taka kenkawh tur.

#Minister-te public interview khâr rih a ni.

D.Mipui inkhuahkhirhna

#District khawpuiah zan dar 8:30 leh zing dar 4:30 inkarah páwn chhuah khap a ni.

#District khawpuiah phalna nei loa vantlang hmuna mi panga aia tam awm khawm phal a ni lo.

#Kum 65 aia upa te, nau paite leh kum 10 hnuai lamte in chhunga awm tura ràwn an ni.

#Páwn (vantlang/puipunna hmun, dawr, office, damdawi-in, clinic, adt.)-a chhuak/kal turte'n hmai tuam ngei tur.

#Vantlang hmun leh dawra kalte metre 2 tala inhlata awm tur.

#Ram páwn aṭanga lo lut mikhualte thlen phal a ni lo.

E.Zin leh mipui chet velna

#Mizoram chhunga khualzin phur lirtheite an tlân thei.

#Seat awm zat aia tam phurh phal a ni lo.

#Lirthei khalhtute leh an phurhte'n hmai tuam tur.

#Passenger-te hman tur hand sanitiser an pai reng tur a ni.

F.Zirna-in, sakhaw biakna, etc.

#School, college, educational leh coaching institution-te khâr chhunzawm a ni dawn.

#Central leh state sorkar hnuaia training institution-te SOP anga hawn theih a ni.

#Mipuiin a hmuna an en theih tur games & sports tournament huaihawt phal a ni lo.

#Entu mipui punkhawmna tel lo leh mi 25 aia tam loin games & sports practice phal a ni.

#Cinema hall, swimming pool, intàwllènna hmun, auditorium, assembly hall, adt. khâr chhunzawm tur.

#Sakhaw biakna hmunah mipui punkhawmna thil huaihawt phal a ni lo. Zing ṭawngṭai inkhawm chu mi 50 aia tam loin neih theih a ni.

#Mitthi vuina, lungphun, inneihna, pawl thila kalkhawm, adt. ah mi 50 aia tam pun khawm khap a ni.

#Eizawnna kawnga harsatna sutkianna atan mi 25 aia tam lo punkhawmna tur thilah chuan DC-in phalna an pe thei.

G.Phai aṭanga bungraw la lut turte'n mCOVID-19 mobile application-a mPass hmangin declaration an thehlut tur a ni.

H.Dawr leh sumdawnna

#Dawr, sumdawnna hmun leh eizawnna hmun dangte a pang­ngaia hawn theih a ni.

#Hawker-te chu DC kaihhruainain task force-te'n ruahmanna an siam anga kalpui tur a ni.

#Beauty parlour, lumehna leh spa-te chu hawn phal a ni a, August 5 aṭangin gym hawn theih a ni. Ṭum khatah mi 10 aia tam awm phal a ni lo.

#LTF/VTF-te'n chawhmeh zawrhna tur hmun an ruahman ang. Inrinnia mipui pun khawm tam lutuk tur pumpelh nan kar khatah ni 3 tal thlai leh chawhmeh zawrhna hun ruahman tur a ni.

#Mi pathum aia tamin dawr pakhat nghah phal a ni lo a, wholesale dawr leh dawr lianah chuan an mamawh dan azirin mi paruk thleng chhawr theih a ni a, dawr awmna venga LTF-te'n an bituk ang.

#Dawr zawng zawng (damdawi dawr tiam loin) tlai dar 7 hmaa khâr vek tur.

I.Aizawl bikah

#AMC area-ah sorkar leh mimal lirthei, taxi leh two wheeler taxi-te chu Traffic SP-in 29.10.2019-a intlan chhawk dan tur a ruahman angin an intlân chhâwk ang (lockdown hmaa intlan chhâwk dan angin)

#Intlan chhâwk hi nipui - March-October chhungin zing dar 9 aṭanga tlai dar 5:30 inkarah a ni a, thlasik November-February chhungin zing dar 9 aṭanga tlai dar 5 inkar a ni.

#Intlan chhâwk hian Inrinni leh holiday a huam lo.

#Lirthei tlân theih loh níte

Thawhṭanniah 1 leh 2-a tàwp

Thawhlehniah 3 leh 4-a tàwp

Nilainiah 5 leh 6-a tàwp

Ninganiah 7 leh 8-a tàwp

Zirtawpniah 9 leh 0-a tàwp

#City bus-te chu ACBOA-in a ruahman angin an intlân chhawk ang.

#Pathianni-ah phalna neite tih loh chu lirthei reng reng tlan chhuah phal a ni lo.

#Ṭul bik thilah Traffic SP-ah phalna dil theih a ni.

#Chhiat tawh leh medical emergency-ah local task force-te'n phalna an pe thei.

J.Intlan chhâwkin a huam lohte

1.Governor, Chief Minister leh Speaker-te (an carcade tiamin).

2.Gauhati High Court judge-te

3.Auto-rickshaw, institution leh department bus.

4.Police department motor duty, Traffic police duty, Fire (FES) motor, Excise & Narcotics duty, medical duty, ambulance/morgue van, executive magistrate law & order duty, emergency duty, media mi (MJA sticker tárte chauh), PHE emergency duty leh PHE tuisem, P&E emergency duty, bawnghnute sem, chanchinbu sem, AMC hnuaia bawlhhlawh paih motor, army leh para-military force, department/office despatch rider.

5.Rualbanlote tana special vehicle

6.District dang aṭanga sorkar thil pawimawha duty-te, law & order leh essential commodity duty-te chu Traffic police an hrilh hmasak hnuah an lirthei tlan dan tur ruahmansak a ni ang.

7.Hriat lâwk loh emergency case leh ṭul bik tak tak thilah Aizawl Traffic Control Room phone number: 0389-2322307, 2313061, 9366553559, 9774440722-ahte hriattirin dil theih a ni.



Share this Post

Login to comment
No Comments