Vawiin aṭangin swab sample test man lak ṭan a ni dawn

Mizoram sorkarin Covid-19 vei leh vei loh hriatna atana endik (swab test) senso sorkarin tum tawh lo a, endik turte'n an tum tawh tura a tih hnuah, Health & Family Welfare (HFW) department swab test tihna man (rate) a bithliah ta a; rate ang hian August 1, vawiin aṭangin hman ṭan a ni ang.

HFW department-in swab sample test rate a siam dan chuan, RT-PCR hmanga test man (full rate) chu Rs. 5,539 a ni a, TrueNat hmanga endikah Rs. 4,463 a ni thung. Test man hian swab sample lakna, sawngbawlna leh endikna kaihhnawih zawng zawng a huam a ni.

Mizoram sorkar chuan swab sample test rate chu mipui tana a hautak lutuk loh nan a tumsak ṭhen (subsidise) dawn niin sorkar thu­chhuah chuan a tarlang. Swab test fee aṭanga sum hmuhte chu district-a chief medical officer-te'n an bial chhung ṭheuhah la khawmin, sorkar revenue-a chhûn luh tur a ni.

Swab sample endikna man

#Endik turteEndiknaEndikna man

1.ICMR-in test tura a tihteRT-PCRFree

(ICMR mandated test)TrueNatFree

2.Mizoram sorkarin contactRT-PCRFree

tracing-naa test tura a tihteTrueNatFree

3.Sorkar quarantine centre-a awmRT-PCRRs. 2,500

leh DMR Dept. office order-inTrueNatRs. 1,500

catergory B, C, D & E-a a dahte

4.Mahni duh thua endik duhteRT-PCRRs. 4,500

TrueNatRs. 3,000

5.Mizoram chhuahsan tur,RT-PCRRs. 4,500

certificate pek ngaite endiknaTrueNatRs. 3,000




Share this Post

Login to comment
No Comments