Rawn hawte endik dan tur sawiho

Health & Family Welfare minister Dr R Lalthangliana hoin nimin khan sorkar hotu pawimawhte'n SAD conference hall-ah Mizoramin Covid-19 a do mek chungchang an sawiho a; state páwn aṭanga rawn hawte Mizoram an luh ve­leha rapid antibody test (RAT) leh RT-PCR test tih vek theih dan tur an rél.

Meeting-a an rèl angin, Mizoram páwna tangkhang lo hawte Mizoram an thlen veleha RAT hmanga endik bakah, RT-PCR test tih vek a nih theih nan ZMC-a Microbiology department chu mithiam dangte nen an inráwn nghal a; laboratory leh hmanraw neihte thlirin, pooled sample method-te hman ṭangkai dan ngaihtuah tel chunga ruahmanna siam tura tih an ni.

May 25, 2020 aṭangin ram chhung bikah thlawhtheihna thlawhtir chhun­zawm tum a nih avangin, Lengpui Airport chu hawn phal nghal zingah a tel dawn leh dawn loh hriat la ni lo mah se, thlawhtheihna hmanga Mizorama lut turte airport-a dawnsawn dan turte meeting chuan a ngaihtuah.

An rêl danin, Thlawhna hmanga Mizo haw tur reng rengin Home department phalna an lâk phawt a ngai dawn a, airport-a thlengte lo enna tur thermal camera bun theih mai turin a thleng tawh. Mizoram mi ni lo tana airport-a ILP lakna chu tihtawp rih tur a ni a, state dang mite chuan Mizoram an luh hmain ILP an tihfel hmasak a ngai dawn.

ZMC Microbiology department-te'n Covid-19 vei rinhlelhte swab sample an endik ṭhin chu a chak zawk nan ZMC-a ENT department-in an tih chhunzawm tawh dawn a; chutih rualin, Microbiology department-a expert mi pathumin laboratory chu an ṭhut chilh reng ang.

Quarantine facility dinhmun

AIZAWL DISTRICT

Sorkar quarantine facility zat35

Mi awm thei zat 2,032

Kohhran hrang hrang hall121

Mi awm thei zat 1,824

Hmun danga awm thei zat1,294

LUNGLEI DISTRICT

Sorkar quarantine facility20

Mi awm thei zat571

Kohhran hrang hrang hall17

Mi awm thei zat275

Hmun danga awm thei zat20

SIAHA DISTRICT

Sorkar quarantine facility33

Mi awm thei zat1,450

Kohhran hrang hrang hall3

Mi awm thei zat118

CHAMPHAI DISTRICT

Sorkar hmun leh kohhran hmun24

Mi awm thei zat824

Hmun danga awm thei zat50

KOLASIB DISTRICT

Sorkar quarantine facility13

Mi awm thei zat677

SERCHHIP DISTRICT

Sorkar quarantine facility29

Mi awm thei zat786

LAWNGTLAI DISTRICT

Sorkar quarantine facility19

Mi awm thei zat594

Hmun danga awm thei zat25

MAMIT DISTRICT

Sorkar quarantine facility & other22

Mi awm thei zat700

Kohhran hrang hrang hall6

Mi awm thei zat190

HNAHTHIAL

Sorkar quarantine facility19

Mi awm thei zat228

KHAWZAWL

Sorkar quarantine facility & other39

Mi awm thei zat640

SAITUAL

Sorkar quarantine facility & other36

Mi awm thei zat647



Share this Post

Login to comment
No Comments