Ram dang mi 2 man

Tlabung ràl lehlam, Serhuan khuaa khawsa mek zinga ram dang mi (foreigner) ni ngeia hriatte chu YMA, Tlabung branch-te'n September 9, Thawh-

ṭanni zan khan YMA Rûn-ah an hruai a, chumi hnuah Tlabung police kutah an hlân.

Tlabung Branch YMA chuan Thawh-

ṭanni zan khan emergency meeting an ko a, foreigner ni ngeia rinhlelhte chungchang an ngaihtuah. An mi rinhlelhte chu an awmna Serhuan aṭanga hruaiin, YMA Rûnah thil awm dan an zawhfiah hnuah, dan loa Mizorama awm ni ngeia an hriat avangin police kutah an hlân nghal a ni.

Tlabung YMA secretary B Lalhuthanga chuan, an rinhlelh mi pathum zinga pakhat chu a nupui pa (a puzawn) hmingin electoral roll-ah a inziak lut tih an hriat chhuah thu leh, mi dang pahnihte chuan India mi nihna tichiang thei tur lehkha pawimawh an neih loh hrim hrim thu a sawi a; an chungah dan anga hmalak a nih theih nan police kuta hlan mai an rél ta tih a tarlang.

January 23, 2018 khan Tlabung Sub-Division huam chhunga Khojoysuri khuaa cheng Lokhi Ranjan tia hming lem invuah, a hming tak Suro Kanti chu Bangladesh mi a ni tih finfiah a nih hnuah Foreigners Act, 1946 Section 14 hnuaiah thubuai siamsak a ni tawh a; ani hi hriat theih chinah Tlabung Police Station-a foreigner thu­buai awrh hmasa ber a ni.



Share this Post

Login to comment
No Comments