MZP-in ramrî-ah chak zawka hmalak rêl

MZP rorelna sang ber dawttu, Federal Council chu nimin khan MZP conference hall-ah neih a ni. MZP president L Ramdinliana Renthlei chuan, MZP-in kuang lo a neih loh thu a sawi a; Mizoram leh Assam ramri chinfel a nih theih nan chak leh zuala hmalak an rél.

Rorel inkhawm hi MZP president L Ramdinliana Renthlei-in a kaihruai a; MZP President chuan, MZP chu din a nih aṭangin Mizo zirlaite leh hnam tan pawl 

ṭangkai tak a ni tawh tih sawiin, "MZP hi zirlai pawl a nih rualin, hnam movement hi kan khawih nasa ṭhin. Hnam movement kan khawih nasat hian mi ṭhenkhat chuan 'MZP-in an kuang lo an nawr a ni' lo ti an awm ṭhin, MZP hian kuang lo a nei lo," a ti.

L Ramdinliana chuan, Mizo hnam tan leh zirlaite tana ṭha turah kuang bik an nei lo tih sawiin, "Hnam leh zirlaite tana ṭha turah chuan theihtawp kan chhuah zel dawn a ni," a ti a; MZP chhungkua, tlang hrang hranga mite chu ram leh hnam tungdinga siamṭha turin ṭanrualpuiah a sáwm.

MZP hmalak mekna, Mizoram leh Assam ramri chungchangah theihtawp chhuahin hma a la chhunzawm zel dawn tih sawiin MZP President chuan, "Zophai hmuna Mosolman biak-in sak mek pawh ṭhiah a nih leh nih loh kan en zui reng dawn a, an sa chhunzawm zel a nih chuan MZP chu Zofate Chawlhbûk sa ve nghal turin kan inbuatsaih reng a ṭul dawn. A 

ṭul hun huna thawk chhuak thei turin tlang hrang hranga MZP chhungkuate inbuatsaih a, lo inring reng turin kan ngen a ni," a ti.



Share this Post

Login to comment
No Comments