Zo fate hnam nihna zirho a ni

Zoram Thar chuan nimin khan Zoram Thar Zawlbuk, Mission Veng­ah 'Zofate hnam nihna zirhona' (Zofate National Identity) an buatsaih a; historian, theologian leh ram leh hnam veite mi eng emaw zat telin, Zo fate hnam nihna dâltu (problem of  Zo fate national identity) tih te, Zo fate hnam nihna leh Kristianna (christianity & Zo fate National identity) tih te, chi bing nihna leh hnam nihna tihte sawiho a ni.

Zoram Thar president Rev.Dr Zaichhawna Hlawndo chuan, Mizo­te chu India-in tribal identity hmangin a tuam hlâwm ṭhin a, tunah chuan national identity-in Pathian­in a kaitho dawn nia sawiin, "Hnam lìrpui a nghìn tawh dawn avang­in chi bing ram ṭhiah a ni dawn," a ti. September 23-28, 2019-ah UN general meeting, New York-ah Zo fate hnam nihna identity chung­chang memorandum an thehluhte bawhzui tur leh meeting pawimawh tak tak nei tura an kal tur thu a sawi bawk.



Share this Post

Login to comment
No Comments