Nicki Minaj-i'n pasal a nei dawn

Nicki Minaj chuan a bialpa, Kenneth Petty chu ni 80 ral hma ngeiin pasalah a nei dawn tih Thawhṭanni khan a sawi. 

Kum 36 mi, MEGA­TRON rapper hian Thawh-

ṭanni zinga Queen Radio show-ah hemi chungchang hi a sawichhuak. 

Minaj chuan Petty nen hian marriage licence an dil a, mahse a zinchhuah leh avangin an lam hman mai lo a, a zin haw hnuah an renew leh tih a sawi.  Marriage licence an renew leh aṭang hian ni 90 chhunga an inneih a ngai tih sawiin, an renew-na pawh kar khat chuang a ni tawh a, ni 80 hun an la nei niin a sawi.

Nicki Minaj chuan tun­ah chuan a album lam buaipuiin a hun tam zawk a hmang a, inneih puitham tak buatsaih pawh a duh lo tih a sawi. A hnuah a puitham zawk chuan an la buatsaih leh tho dawn tih erawh a sawi nghal bawk. A album tihchhuah hmain pasal a nei hman dawn tih sawiin, ni 80 a liam hma ngeiin an innei dawn tih a sawi. 



Share this Post

Login to comment
No Comments