Missy Elliott-i'n Michael Jackson Video Vanguard Award dawng dawng

Rapper, producer leh songwriter Missy Elliot chuan August 26-a MTV Music Video Awards sem hunah Michael Jackson Video Vanguard Award a dawng dawn. Awards show-ah hian kum 16 hnua a vawi khat­na atan a perform dawn bawk. 

MTV International co-brand head Bruce Gillmer chuan Missy-i'n music lama hnuhma ropui tak tak a neihte chu theihnghilh mai theih a ni dawn lo tih sawiin; production, performance leh songwriting lama hmathlir a neihte chu midang nen tehkhin phak rual loh a ni, a ti. 

Grammy Award 

ṭum nga lo dawng tawh, Songwriters Hall of Fame-a hmeichhe hip-pop artist seng luh hmasa ber, Elliot hian record maktaduai 30 chuang zet a hralh a, hmeichhe rapper zingah studio album certified platinum paruk nei thei awmchhun a ni bawk. 

Kum 2018 khan Michael Jackson Video Vanguard Award hi Jennifer Lopez hlan a ni a, kum hmasa lamah Pink, Rihanna leh Kanya West-te pawhin an lo dawng tawh bawk a ni. 

VMA hi August 28 hian Newark, New Jersey-a Prudential Center-ah sem a ni dawn a, MTV-ah tihchhuah a ni dawn. He show hi comedian, actor leh author Sebastian Manis­calco-a'n a host ang. 



Share this Post

Login to comment
No Comments