Hobbs & Shaw an la huai ber zel

Kartawp Box Office-ah Fast & Furious Presents: Hobbs & Shaw nekchhuak thei an la awm lo a, a zawna sum lalut tam ber a ni.

Scary Stories to Tell in the Dark chu sum lalut tam ber dawt­tu a ni a, The Lion King (2019) chu pathumna a ni ve bawk.

Tlangzarh hun fuh 

Hobbs & Shaw

Fast & Furious Presents: Hobbs & Shaw hi tlangzarh hun a fuh ti ila kan sawisual tam awm lo e. Toy Story 4 leh Spider-Man: Far From Home boruak a dai chho a, The Lion King (2019) hit zualpui a reh ṭan vel chiah tihin Fast & Furious Presents: Hobbs & Shaw hi tlangzarh a ni a, a hun a fuh a tih loh theih loh. 

Tlangzarh hma hauh 

aṭangin boruak a lo nei lian sa bawk nen, kar liam ta chhoah mipuiin an ngaiven em em film tlangzarh a awm chiah lo nen, kartawpa Hobbs & Shaw han el pha tur hi an awm ta lo a ni. $25,265,795 lalut chungin US Weekend Box Office-ah ro a rel chhunzawm thei a, boruak nei lian tak film a awm lo tih hemi aṭang hian a hriat theih a ni.

 Chart hmasaa pahnihna khan $mtd. 38 a la pha a, heta ṭang hian a khaikhin theih mai awm e.

Scary Stories to Tell in the Dark a hrâng 

American horror film Scary Stories to Tell in the Dark chu tlangzarh a nih karah a hrâng nasa nghal hle a, Box Office-ah sum lalut tam ber dawttu a ni nghal. 1968 Holloween zan vela thil thleng anga chan niawm tak a ni a, horror film ngainatute tan chuan en a manhla hle ang. 

The Lion King (2019) chuan $20,205,322 lalutin, sum lalut tam pa­thum­na a la ni phak.

Film tharin    Box Office an luah hneh

Kar tawp Box Office-ah khan film thar paruk laiin Top 10-ah hmun an chang a, Scary Stories to Tell in the Dark leh Dora and the Lost City of Gold phei chu sum lalut tam pahnihna leh palina an ni phak.

Box Office top 10-a film thar paruk lai mai an lang ṭhiau hi thil thleng ngun tak a ni lem lo a, film thar hmuhnawm a chhuak hnem tihna a ni a, movie en nasa tan chuan chanchin lawmawm a ni ngei ang.



Share this Post

Login to comment
No Comments