Lady Gaga-i'n school project atana sum mamawh pek tiam

Lady Gaga chuan tun hnaia inpawngkahna thlenna  hmun, El Paso, Texas; Dayton, Ohio leh Gilroy, California-a classroom 162-te project mamawhah sum pek a tiam.

Gaga charitable organisation, Born This Way Foundation hi DonorsChoose.org nen an thawkdun a, US ram chhunga classroom mamawhte an ngaihtuahsak ṭhin.

'Bad Romance' singer chuan inpawngkahna thlenga thite leh an chhungte a tuarpui thu a sawi, thi tate hriatrengna atan a foundation chuan El Paso-a classroom 125, Gilroy-a 23 leh Dayton-a 14-te mamawh pekna tur project sum chu a vaiin a tumsak dawn tih a sawi. Zirlaite suangtuahna chu a taka tihhlawhtlin a nih theihna turin theihtawpin a pui dawn tih a sawi bawk. 

Gilroy-a inpawng kahna thlengah hian mi pathum an thi a, El Paso-ah mi 22 leh Dayton-ah mi pakua an thi a ni.



Share this Post

Login to comment
No Comments