Channing Tatum-a'n social media hmang rih dawn lo

Actor Channing Tatum chuan a theihnate chawk tho a, a tha a tihphur leh theihna turin hun eng emaw chen chu social media lam chawlhsan rih a tum tih a sawi. 

Kum 39 mi Tatum hian Instagram-ah hemi chungchang hi a post a, online lama a hun hman tam chuan amahah a ṭha lo lama nghawng a neih thu a sawi. Hei vang hian social media lam chu chawlhsan rihin, khawvel tak takah a hun a hmang rih zawk dawn tih a sawi. Chawlhsan hlen erawh a tum lo a, eng tikah emaw chuan a la rawn kir leh dawn tih a sawi nghal bawk.

Channing Tatum hi a nupui Jenne Dewan nen nikum khan a inṭhen a, hemi hnu hian English singer leh songwriter Jessie J nen an inkawp mek. An inkawp nia sawi zui an ni hnuah, a vawi khat nan March thla khan mipui hmuhah an inlan dun a. Hemi hnu hian social media lamah an inngaihzawn thu hi an zep ta bik lo a, an thlalakte pawh an post zui a ni. 



Share this Post

Login to comment
No Comments